10-cu raundda Qlobal Fonda layihə təklifinin verilməsi üçün elan

AİDS, Vərəm və Malyraiya ilə mübarizə üzrə Qlobal Fond layihə təklifi təqdim etmək üçün 2010-cu il may ayının 20-də 10-cu Raundu açıq elan edir. Layihə təklifinin təqdim edilməsi üçün son tarix 20 avqust 2010-cu ildir.

Bu məqsədlə Azərbaycanda HİV/AİDS, Vərəm və Malyraiya ilə mübarizə üzrə Ölkə Əlaqələndirmə Komissiyası Sizi AİDS, Vərəm və Malyariya üzrə layihə təklifi hazırlamağa dəvət edir. 10-cu raunda layihə təklifi təqdim etmək üçün son tarixin 20 avqust olmasını nəzərə alaraq, ölkədaxili layihələrin ilkin versiyasının ÖƏK katibliyinə təqdim edilməsi üçün son tarix 15 iyul, layihələrin son versiyasının ÖƏK Katibliyinə təqdim edilməsi üçün isə son tarix 10 avqustdur.

Layihələrdə Əsas Resipiyent olmaq istəyən təşkilatlardan 25 iyul 2010-cu il tarixinə kimi ÖƏK Katibliyinə müraciət etmələri xahiş olunur.

Layihələrin işlənib hazırlanmasında İştirak etmək istəyən şəxslər/təşkilatlar aşağıda verilmiş əlaqə üzrə müraciət edə bilərlər:

Soltan Məmmədov ÖƏK Sədr Müavini smammadov@ccm.az

Vüsalə Bəkirova ÖƏK Katibi tel: 493 26 94 v.bakirova@ccm.az

Program Haqqında

Azərbaycanda HİV/AİDS-lə mübarizə üzrə cavab tədbirlərinin gücləndirilməsi

Azərbaycan Respublikasında HİV/AİDS-lə bağlı epidemioloji vəziyyəti nəzərə alaraq Səhiyyə Nazirliyi HİV/AİDS, Vərəm və malyariya ilə mübarizə üzrə Qlobal Fonda müraciət etmiş və nəticədə Fond tərəfindən «Azərbaycanda HİV/AİDS-lə mübarizə üzrə cavab tədbirlərinin gücləndirilməsi» adlı 5 illik proqramın 2 ilinin maliyyələşdirilməsi üçün Azərbaycana qrantın ayrılması barədə qərar qəbul edilmişdir. Bu addımların davamı olaraq, Qrant Sazişi imzalanmış və bunun əsasında Azərbaycanda HİV/AİDS-ə qarşı cavab tədbirlərin gücləndirilməsinə dair layihə yerinə yetirilməyə başlanmışdır.

Səhiyyə Nazirliyi Qlobal Fond tərəfindən ayrılmış qrantın Əsas Resipiyentidir. Proqram səkkiz köməkçi tərəfdaşlar (sub-resipiyentlər) tərəfindən həyata keçirilir, bunlar Təhsil Nazirliyi, Gənclər və İdman Nazirliyi, UNİCEF, Açıq Cəmiyyət İnstitutu – Azərbaycan, AİDS-lə mübarizə üzrə Milli Mərkəz, Respubika Narkoloji Dispanseri, Milli Dəri-zöhrəvi Dispanseri və Reproduktiv Sağlamlıq və Ailə Planlaması üzrə Milli Mərkəzdən ibarətdir.

ardı

PHOTO		PHOTO

CCM Meeting 07.06.10		Advisory Board Meeting 26.06.10